Teachertube er ein nettstad med videoar som læringsressurs. I følge nettstaden sjølv finn ein pålitelige ressursar ein kan nytte i undervisninga. Dersom du er kjend med å nytte Youtube, så er dette ei nettside du vil kunne nytte enkelt. Mykje av videoane er naturleg nok på engelsk, men det finnast ein del ressursar på norsk også. Blandt anna i Matematikkfaget er det lagt ut fleire videoar på norsk.

Teachertube inneheld ein del andre læringsressursar, slik som dokument(pdf, word, excel), bilder og lydklipp.

I Teachertube kan du sjå videoar sjølv om du ikkje har konto og/eller er innlogga, men skal du ha tilgang til dokument, så må du ha konto. Som ved mange andre nettstader, kan ein få konto via andre nettenester, slik som Facebook.

Mulighetane til Teachertube er mange. Ein kan lage sine eigne «klasserom», som fungerer omtrent som di eiga nettside. Der kan du legge inn eigne tekstar, videoar og liknande. For å finne ut meir om korleis du kan lage di eiga nettside, som klasserom, så er det forklart på denne sida (ekstern lenke) 

Slideshare er ein nettstad for publisering av presentasjoner på nett. Denne nettstaden har mange ulike presentasjonar tilgjengelig. Og sjansen er stor for at du finn noko som passar. Her finn ein presentasjoner på fleire språk. Og ein finn ein god del presentasjonar på norsk.

Ein kan velje å laste opp eigne ressursar frå for eksempel power point, Open Office, word og liknande. Eller ein kan velje å opprette direkte på nettstaden. Resursane blir gjort om til slides som ein kan publisere eller velje å gjere privat. Du kan dele presentasjonen med andre via blogg, eller LMS, som Fronter. Det er mulig å inkludere lyd og video i presentasjonane.

Eit godt tips til bruk er at læraren legg ut presentasjonen på slideshare og når elevane skal gå gjennom presentasjonen, kan dei søke opp presentasjonen via nettstaden utan å logge på. Elevane kan også finne fram presentasjonen ved hjelp av ein app, som kan lastast ned gratis til dei fleste smarttelefonar. Dette gjer at tilgangen på presentasjonen blir lettare tilgjengeleg for elevane.

For å kunne laste opp presentasjoner, må ein ha konto. Dette gjer ein enkelt ved å klikke på login i øverste høgre hjørne. Her kan ein opprette brukernamn og passord eller ein kan logge seg inn via Facebook kontoen eller LinkedIn. For å laste opp ein ressurs, vel ein knappen Upload, som ligg øverst til høgre på nettstaden. Dersom ein ynskjer å lage ein ny presentasjon vel ein knappen til høgre for uploadknappen.

For å publisere ein presentasjon på blogg eller Fronter, så kan ein gå inn på sjølve presentasjonen. Kopier nettadressen til presentasjonen og lim den inn som ein hyperlenke.

Blubbr er ein nettside som gjer at du kan opprette quiz basert på videoar frå Youtube. Quizzane som blir opprettar blir kalla «Trivs». Når ein Trivs blir oppretta vert det lagt under ulike kategoriar, slik som tenkologi, utdanning, musikk og så vidare. Det er allereie oppretta mange ulike Trivs av brukarar rundt om i verda.

Prinsippet er at ein Triv baserer seg på ein valgt Youtubevideo. Ein startar med å sjå kort sekvens av videoen for så å måtte svare på eit spørsmål basert på videoen. Når ein har svart på spørsmålet, får ein poeng basert på om det er rett og kor rask du er. Etter det ser du ein ny sekvens av videoen før ein får eit nytt spørsmål. Slik fortset det til Triven er over.

Her er litt bilder frå ein Trivs om datamaskinen sine delar:

Du får først ein liten sekvens av ein youtubevideo:

Deretter må du svare på eit spørsmål basert på det som var i videosekvensen

Du får poeng basert på kor mange rett og kor raskt ein svarer. Her kan ein komme på topp-lista viss ein er god.

For å få laga eigne Trivs, må du ha konto. Konto kan ein få ved hjelp av Facebook eller Twitter, eller ein kan opprette ein heilt ny konto.

Slik oppretter du eigen Triv:

Velg  I want to create my own Trivs på framsida blubbr.tv

Skriv inn ein valgt tittel på Triven i tekstfeltet som kjem opp, Trykk Next
Søk etter ein Youtube video du ynskjer å bruke og trykk Next

No kjem det opp ei side der ein kan søke etter videoar. Skriv inn i søkefeltet det du ynskjer å søke på. Når du har funne rett video, velger du den.
I den blå linja, kan du velje kor i videoen opptaket skal starte og når den skal slutte. I menyen til høgre legg du inn eit passande spørsmål. Når du er ferdig med spørsmålet, trykker du submit. Då kan du velje ein annan del av videoen du vil vise, eller ein del av ein heilt ny video.

Når du er ferdig med å lage Triven, velger du I’m Done. Du får då spørsmål om å velje kategori for quizen.

Quizlet er ein nettstad der ein skal pugge inn ord og uttrykk.

Prinsippet går ut på at ein skal lage ei liste med ord eller uttrykk og betydningen av desse. Når ein har laga ei liste på det som ein skal hugse, så kan ein gjere eit sett med øvingar for å lære dei orda eller uttrykka. For å nytte deg av quizlet må du registrere deg som brukar, her kan du nytte eksisterande Facebook- eller Google+konto som innloggingsmetode. Når du er innlogga kan du opprette egne Quizlet eller du kan hente ut eksisterande sett med ord/ uttrykk.

Dersom du ynskjer å opprette ein Quizlet, gjer du følgande:

• Logg inn på quizlet.com
• velg Create a set
• 
• Skriv inn tittel på lista
• Skriv inn ord/uttrykk og beskrivelse:
•  
• Velg om den skal publiserast til alle eller kven som skal få tilgang
• Når ein er ferdig å legge inn i lista velger ein Done. Ein har moglegheiten til å endre på lista ved seinare anledning.

Det er fleire måtar ein kan lære inn ord/uttrykk i Quizlet:

• Cards – Flashcards/puggekort med kvart ord/ uttrykk og deretter betydninga av ordet/uttrykket.
• Learn – Øve på orda/uttrykka
• Speller – Stav det du høyrer
• Test – Test for å finne ut kor mykje du  har lært
• Scatter – Kople rett ord/uttrykk saman
• Race – skriv inn ordet/uttrykket

Dersom du er lærar kan du opprette eigne grupper med elevane, slik at det blir enklare å distribuere oppgåver til elevane.

Quizlet kan brukast som app for både Android og Iphone.

Her er ein video som viser korleis ein kan nytte Quizlet

https://www.youtube.com/watch?v=6iBbdN6xVMQ

FlipQuiz er eit verktøy for quiz. Dette minner om Jeopardy, som ein kan nytte i samband med ei interaktiv tavle.

Ein deler quizen inn i inntil 6 ulike kategoriar og kvar kategori har 5 spørsmål.

Det er gratis å registrere seg som bruker og det krev ikkje avansert kunnskap å opprette ein quiz. I tillegg finnast det mange eksisterande quizar på nettsida som ein kan nytte. Her finn du mange ulike kategoriar.

Verktyet er i utgangspunktet gratis, men ein kan velje å oppgradere til proversjonen dersom ein vil det. Proversjonen gjer med anna moglegheit til å kopiere ein quiz.

skjermbilete frå FlipQuiz:

For å opprette ein quiz er gjer ein følgande:

• Logg inn på flipquiz.me og registrer deg som brukar.
• Vel New Board og ein er klar til å lage ein quiz
• Vel namn på quizen og legg det inn i
• Vel namn på dei ulike kategoriane
• Legg inn spørsmål og svar i dei respektive tekstfelta. Her kan ein redigere tekststil, legge til bilde, video og liknande
• Dersom du vil, kan du legge til bilde til quizen
• Trykk Save for å lagre quizen.  Den er no klar til bruk.

Her er ei video over korleis ein kan nytte FlipQuiz

Kubbu er eit e-læringsverkty for å opprette læringsaktivteter, quiz og kryssord.

Aktiviteter ein kan velje mellom er:

Match: Kople saman element
Divide: Dele element/ ord inn i grupper
Slider: Dynamisk quiz
Composer: Her oppretter ein test med ulike typar spørsmål
Crossword: Her lager ein kryssord

For å bruke Kubbu, må du registrere deg som bruker. Og når du har registrert deg, kan du legge til inntil 15 aktiviteter og 30 elevar til kontoen din. Dersom 30 elevar eller 15 aktivitetar er for lite, kan du oppgradere kontoen. Fordelen med å registrere elevane er at då får ein oversikt over resultata til elevane. Du kan også la elevane gjere aktivtetane utan å vere registrert.

For å registrere elevane vel ein Students i menyen og legg til elevane. Dersom du ynskjer at elevane skal vere i grupper, for eksempel ein klasse, bør du gå inn på Grupper i menyen og opprette ei gruppe for deretter å registrere elevane.

For å velge ein aktivitet, vel ein Activites i menylinja. Velg den aktiviteten du vil opprette. Deretter kan du velje Add Activity nederst til venstre.

Ein av aktivitetane ein kan velje er Kryssord, et kan ein gjere slik:

• Velg Crossword i menyen
• Velg namn og innstillinger og trykk neste
• Legg inn dei orda du vil ha i kryssordet med forklaring
• 
• Velg Show Crossword
• programmet genererer eit kryssord basert på orda du har valgt. Dersom du ikkje er fornøgd med oppsettet, kan du generere på nytt.
• Når du er fornøgd, klikk Save Activity
• Når du er ferdig med å lage aktiviteten kjem den opp i lista under Activities. Her kan du gjere fleire ulike innstillingar på aktiviteten.
  Her kan du sjå statistikk og resultat til elevane, du kan teste ut korleis aktiviteten blir for elevane ved å velje terning.
• Når du skal dele ein aktivitet må du velge nøkkelen til høgre for den aktuelle aktiviteten. Her kan du redigere tilganger og om eleven skal få gjere oppgåva så mange ganger han/ho vil (practice) eller om eleven skal kun gjere oppgåva ein gong (Exam)
• Ein kan dele aktiviteten på to måtar:
  • Tildele til grupper/elevar. Elevane må då logge inn med brukernamn og passord
  • Dele ut lenken til dei elevane som skal ha oppgåva.

Videoen under viser korleis ein kan bruke Kubbu:

TED og TEDEd er to nettsider som inneheld mange gode ressursar i forhold til læring.

TED er ein portal med mange korte foredrag på videoar. Videoane er kategorisert innan tema og lengde. Ein kan også søke etter ulike videoar ved hjelp av eigne stikkord. Ein finn tema innafor dei fleste fagområde.

Her er eit eksempel på video som er lagt inn på TED

Her er ein video om kor lite eit atom er: denne er lagt inn på youtube av TED

TEDed er ein portal med mange ulike undervisningsopplegg. Opplegga er lagt opp slik:

• Ein ser først ein video som presenterer tema
• Ein svarer så på spørsmål vedrørande det som er sett på videoen
• Ein undersøker meir om same tema
• Ein kan diskutere tema med andre.
• Ein kan også justere leksjonane som er tilgjengelig, slik at dei blir meir tilpassa sitt eige

Her er eit eksempel på ein leksjon

I forbindelse med videoen over om kor lite eit atom er, så er det ein del av ein leksjon: Klikk på bildet under for å sjå heile leksjonen

Svend Andreas Horgen ved HIST tek for seg korleis TEDEd Fungerer her (lenke):

Kahn Academy er ein frivillig organisasjon med formål om å gi gratis opplæring til alle. Det fungerer som ei nettside med ulike læringsressursar. For det meste er det videoar som omhandlar visse tema. Ein finn mykje ressursar innan matematikk, vitenskap ( naturfag, helse). programmering,
Det finnast flest videoar som læringsressursar, men også flashcards. Kvart emne finn ein som «kurs», der ein kan sjå videoar, gjere øvingar, skal svare på spørsmål og liknande. Denne ressursen kan nyttast i forbindelse med omvendt undervisning.

For lærarar kan ein opprette eit eige område for ein klasse. Der ein kan følgje med på kva elevane lærer.
Det meste av læringsressursane finnast på engelsk, men etter kvart er det omsett ein del videoar på norsk. Dette er det NDLA som har ansvaret for.

Kahn Academy finnast også som eigen Youtubekanal på norsk

Eksempel på video om multiplisering av negative tal:

Video om dei store muskelgruppene

Socrative er eit Student respons system, der ein i hovudsak lagar quiz som ein kan ha i klasserommet

Ein kan lage quiz med ulike typar svarmuligheiter: sant/ usant, fleirvalg og fri tekst.

Elevane køyrer quizen i eige tempo, der dei sjølv avgjer kor fort spørsmåla kjem opp.

Ein kan køyre quiz i klasserommet, der ein kokurrerer om å bli fortast ferdig. Til skilnad frå Kahoot, vil ein få opp spørsmåla i eige tempo

Ein kan få resultatet ut på excel, sendt til seg pr e-post

Det finnast Socrative som eigen app for android og iphone. Den finns som eigen lærarapp, der ein kan styre quizzane og ein studentapp, der ein svarer på quizzen.

Ein kan også køyre «quick question», som er ein måte å ha ei kjapp undersøking på.

Ein kan lage sine eigne quizar, eller så kan ein importere ferdige quizar. Det kan ein gjere ved å legge inn ein kode. Du finn oversikt over ulike quizar her.

Korleis Socrative fungerer ser du på denne videoen.

Her ser du også eit eksempel på korleis Socrative kan bli brukt i klasserommet.

Corinth er ein app (program) til Windows 8.1 maskiner
appen er mest tilpassa naturfag,  humanbiologi og teknikk. Her kan ein undersøke element heilt ned på mikroskopnivå.

Corinth finnast i fleire versjonar: Humanbiologi, Geologi, Animalbiologi og plantebiologi for skule. I tillegg finnast det ein versjon for motor.
Meir informasjon og demo av Corinth finn du på nettsida www.ecorinth.com/content.
Dersom du ynskjer meir informasjon om appen for motor, finn du den på windows store
Appane er gratis. For å kunne nytte appane, må du ha Windows 8.1 operativsystem.

Skjermbilde frå ei celle  (Humanbiologiappen)                                 Skjermbilde frå appen om motor