Stikkord: matte
Coursera
er ei nettside som fungerer som ein utdanningsplattform. Her kan du ta kurs innan ulike tema, som IKT/programmering, kunst, språk, matematikk, fysikk etc. Kursa blir levert av ulike universitet rundt om i verden. Her finn ein kjende universitet som Yale og Stanford. Og mange av kursa er gratis å delta på. Kursa er ofte videobaserte og du får oppgåver som du skal løyse. I kursperioden står du fritt til å velje når du skal sjå på leksjonane og du kan velje å sjå leksjonane så mange gangar du sjølv ynskjer.
For å få tilgang til kursa, må du registrere deg gratis på www.coursera.org. Som ved mange andre nettsider, kan du registrere deg via Facebook, eller du kan bruke e-postadresse og passord.
Når du har registrert deg og logga inn, kan du søke etter kurs på fleire ulike måtar. Du kan søke direkte i søkefeltet, eller du kan gå via katalogen og søke ved hjelp av tema i katalogen.
Dersom du vel knappen «Catalog», så vil du få oversikt over alle kategoriar. Og dersom du vel ein kategori, så får du oversikt over alle kursa som er relatert til den kategorien. Det er også oversikt over underkategoriar slik at du kjem nærare inn på det du måtte ynskje av kurs. Biletet under viser bilde du får når du klikkar på Social Science. Her får du underkategoriar du kan velje. Kurs som er merka med eit grått felt med teksten «…-course specialization», er kurs som har kursavgift. Alle kurs som ikkje er merka med den nemnde teksten, er gratis å delta på. I biletet under viser at kurset «Healtcare Marketplace» har ei kursavgift, medan kurset «Marketing in a digital world» er gratis.
Dersom du klikkar inn på eit av kursa, vil du få oversikt over innhaldet til kurset, kor lang tid kurset vil ta, kor mange timar i veka det er berekna at du må bruke for å fullføre kurset. Det kan vere lurt å merke seg at kursa har ein påmeldingsfrist.
Kahn Academy
Kahn Academy er ein frivillig organisasjon med formål om å gi gratis opplæring til alle. Det fungerer som ei nettside med ulike læringsressursar. For det meste er det videoar som omhandlar visse tema. Ein finn mykje ressursar innan matematikk, vitenskap ( naturfag, helse). programmering,
Det finnast flest videoar som læringsressursar, men også flashcards. Kvart emne finn ein som «kurs», der ein kan sjå videoar, gjere øvingar, skal svare på spørsmål og liknande. Denne ressursen kan nyttast i forbindelse med omvendt undervisning.
For lærarar kan ein opprette eit eige område for ein klasse. Der ein kan følgje med på kva elevane lærer.
Det meste av læringsressursane finnast på engelsk, men etter kvart er det omsett ein del videoar på norsk. Dette er det NDLA som har ansvaret for.
Kahn Academy finnast også som eigen Youtubekanal på norsk
Eksempel på video om multiplisering av negative tal:
Video om dei store muskelgruppene
Dragonbox
Dragonbox er ein app som hjelper å lære algebra. Programmet er oppbygd som eit spel der ein kan lære å løyse matematiske operasjonar.
Programmet er bygd opp som eit spel der ein opererer med figurar i staden for X og Y. Der ein skal få figurane over på ei side og tala over på den andre sida av likskapsteiknet. Brukaren får lære bruk av forteikn, parantes, reknereglar og faktorisering.
Brukaren får lære i sitt eige tempo med prøving og feiling. Og mi oppleving av spelet er at det er motiverande og artig.
Det finnast fleire ulike variantar av Dragonbox:
5+ og 12+ alt etter nivå. Programmet passar like godt til voksne som til born.
Ein finn programmet som app i dei fleste plattformar.
Ein kan finne meir informasjon om programmet/ appen på nettsida www.wewanttoknow.com